«Қыз жердің көркі!»

Мектебімізде 5 наурыз күні 8 наурыз Халықаралық әйелдер мерекесіне орай 9 «Ә» сыныбында «Қыз жердің көркі!» атты қыз сыны байқауы өтті. Байқауда 9 ару бақ таластырды. Ақылдарына көркі сай қыздар сайыста өзін-өзі таныстырып, білімдерін көрсетіп, «Бес саусағынан бал тамған» сайысында ісмер апа-әжелеріміздің қол өнер үлгісі бойынша, ою ойып, кесте тікті, құрақ құрады. «Ақыл - жастан, асыл - тастан шығады» кезеңінде қазақтың салт-дәстүрі мен әдет-ғұрпына қатысты танымдық сұрақтарға жауап берсе, «Өнерге әркімнің-ақ бар таласы» сайысында бикештер көрермендерге өздерінің ән айту, би билеу, мәнерлеп оқу және актерлік шеберліктерін паш етті.
Қазылар алқасы бірінен-бірі өткен сұлу қыздардың өнерлеріне риза болып, қазіргі буынның жастары заман ағымынан қалмай, ата-жұрттың салт-дәстүрлерін де қаперлерінен шығармай жүргендігі аса қуантатындығын атап өтті.